Conmemoramos durante o mes de
abril o IV Centenario de Cervantes e estanse a levar a cabo diversas
iniciativas no noso centro. Por parte da
Biblioteca e en colaboración co Departamento de Música e Vicedirección, estanse
a preparar uns mini-murais tamaño A4 (aproximadamente uns 40) tratando o tema
da música nas obras cervantinas, fundamental mente no Don Quixote e en Rinconete y
Cortadillo. Estes están sendo
realizados por alumnos de 1º de Bacharelato e tratan as seguintes temáticas: Os
instrumentos musicais na obra de Cervantes, o Quixote e a música sinfónica, O
Quixote no ballet, na ópera e na zarzuela, e o Quixote no cine. Todos eles serán expostos no corredor de 1º e
2º da ESO xunto con outras pequenas "composicións" murais feitas de diversos recortes. Para todo, contamos coa inestimable axuda dos
nosos voluntarios de biblioteca.
Por outra banda, o alumnado de 1º
de Bacharelato, a iniciativa do Departamento de Lingua Castelá e Literatura,
leu 4 das novelas exemplares de Cervantes na segunda avaliación.
No hay comentarios:
Publicar un comentario