DÍA DAS ESCRITORAS - 18 OUTUBRO

 Tal como fixemos xa no curso pasado, desde a Biblioteca adicamos unha bua parte dos nosos esforzos a facer maís visible a figura feminina nas súas diferentes facetas dentro da creación artística.  Neste caso, aproveitando a conmemoración do Día das Escritoras o pasado 18 de outubro, puxemos en marcha, en colaboración có Departamento de Música e o Proxecta 365 do centro, novas iniciativas que poden servir para das a coñecer o traballos de moitas creadoras (neste caso "escritoras de cancións") que pasan habitualmente desapercibidas ou directamente esquecidas nos libros de texto no caso da música clásica; ou ben non teñen a repercusión pública e mediática equiparable aos grupos masculinos no caso da música pop/rock.

Así pois, algúns alumn@s do Obradoiro de Música de 1º ESO están a realizar uns muráis en formato A2 sobre grupos musicais e solistas femininos e galegos, creadoras das súas propias cancións dentro dos diferentes xéneros da música pop. Moitos dos nomes, pese a contar con varios discos no mercado e ter incluso participado nalgunhas citas internacionais importantes, resultan descoñecidos para o gran público e incluso a nivel local, en Galiza, polo que queremos acercar o seu traballo a nosa comunidade educativa.

Por outra banda, o alumnado de 3º ESO ira facendo ao longo do curso uns murais, tamén en formato A2 e A1 sobre diferentes mulleres compositoras ao longo da historia da música e que tan pouco se mencionan nos materiais didácticos normalmente.  Neste primeiro trimestre centrarémonos na Idade Media e o Renacemento, destacando máis de vinte nomes de relixiosas, trovadoras, compositoras do mundo islámico, etc., que temos que rescatar do olvido e dar a coñecer entre todos.  Próximamente amosaremos os primeiros resultados, que serán expostos en público en diferentes zonas do centro.  Grazas ao alumnado pola sua colaboración na confección dos traballos.