Con motivo da conmemoración do
Día do Libro, Biblioraíces desenvolveu duas iniciativas complementarias que
tiveron en común a participación activa do alumnado.
Por unha banda, entregamos en
varios cursos da ESO unha ficha moi sinxela para que o alumnado fixese unha
recomendación dalgunha lectura recente aos seus compañeiros (contos, novelas,
banda deseñada…). Nesta ficha debían
indicar ademáis dos datos básicos da obra, un breve resumo e o porqué da súa
recomendación. A iniciativa foi ben
acollida polo alumnado e recibimos 50 recomendación aproximadamente, que están
sendo expostas na carteleira da Biblioteca na entrada do centro e no corredor
de 1º e 2º da ESO.
As recomendacións dos alumnos na Carteleira da Biblioteca |
As recomendacións dos alumnos no corredor do 1º Ciclo |
Por outro
lado, o clube de lectura organizou unha xornada onde dezaoito dos nosos alumnos de 1º de ESO e catro
profesores e profesoras desprazaronse
ao CEIP Eugenio López de Cee para levar a cabo unha actividade conxunta de
lectura de poemas e posterior confeción de debuxos alusivos.
A actividade realizouse en colaboración entre o noso club de
lectura "Libros coma area!" e o Equipo da Biblioteca do CEIP
"Eugenio López". Os alumnos
do IES "Agra de Raíces" leron, no patio do colexio, para os alumnos
de 5º e 6º de primaria do CEIP "Eugenio López" poemas dos libros Balea2 de Estevo Creus e de Amar e outros verbos, escrito por Ana María Fernández e con ilustracións de Xosé
Cobas.
Por otra banda, alumnos de 4º de primaria alternáronse cos nosos
na lectura dos poemas do libro Dez piratas, escrito por
Gloria Sánchez e con ilustracións de Montse Gisbert. Despois de ler,
todos os alumnos e alumnas realizaron debuxos relacionados coas lecturas.
No patio do Eugenio López cos alumnos de Primaria. |
No hay comentarios:
Publicar un comentario