A Biblioteca do IES Agra de Raíces preparou unha guía con recomendacións literarias e cinematográficas con motivo da celebración do Día da Paz, que terá lugar o vindeiro 30 de xaneiro. Convidámosvos a achegarvos á nosa biblioteca para levar en empréstito algunha das obras que forman parte das suxestións que vos ofrecemos, así como para coñecer de primeira man os materiais que integran a exposición arredor desta temática que podedes visitar dende hoxe.
Trátase dunha boa oportunidade non só para reflexionar sobre a importancia deste concepto e deste dereito fundamental do ser humano, senón para poñelo en práctica e descubrir aquelas accións individuais que están ao noso alcance e coas que podemos contribuír á creación e convivencia nun mundo mellor.
No hay comentarios:
Publicar un comentario